وطن

وطن ای سرزمین پاک ایرو
همیشه بیشه زارت پر ده شیرو
هنی خینِ شهیدی تازه داری
سر و سرداری پر آوازه داری

ده قلبت حاج قاسم موندگاره
شهیدی که ده ای دنیا دیاره

دلاور مرد میدون شجاعت
قدم می زه وه دستور ولایت
رفیق و هُمدمِش ده ای مسیریم
همه مو دس ده دس یک می ئیریم

دل و جونمو فدا ایی سرزمینه
اگر چه دُشمه چش ناره بئینه

ده گام دوم ایما پیشتازیم
یه ایرانی قوی میحا بسازیم
جوونیا عاشق ای سرزمینیم
تمدن ساز دنیای نوینیم

یه ایران که جوو دش جا بئیره
وریسه، پرچم بالا بئیره

بگرده وه سراغ هر چی رازه
خوشه باور بکه، باور بسازه
دلش پر با ده عشق و دس براری
ده ای ملک همیشه جا دیاری

همه مو همدلیم و همزوونیم
دعای وحدت وا یک موحونیم

ده گام دوم ایما پیشتازیم
یه ایرانی قوی میحا بسازیم
جوونیا عاشق ای سرزمینیم
تمدن ساز دنیای نوینیم